Previous Story
Պերսեպոլիսի նոր գտածոն
Հնագետները Իրանի Շիրազ քաղաքից 70 կմ հեռավորության վրա գտնվող Պարսկաստանի հնագույն Պերսեպոլիս (հին հունարենով՝ Περσέπολις՝ «պարսից քաղաք») քաղաքում հայտնաբերել են Պարսկաստանի Աքեմենյան դինաստիային պատկանող քարե արձանագրության կտորներ: Գտածոները հայտնաբերվել են Քսերքսես Առաջին արքայի (մ.թ.ա. 520 թ.) պալատում:
-Մասնագետների խումբն աշխատանքներ է տանում գտնված կտորները միմյանց կցելու ուղղությամբ, որպեսզի հնարավոր լինի ընթերցել սեպագիր արձանագրությունը,- հայտարարել է Յան Պիետրո Բասսելլոն՝ հետազոտող խմբի ղեկավարը, որը Իտալիայի Նեապոլ քաղաքի համալսարանի՝ «L’ ORIENTALE» պարսկական լեզուների պատմաբանասիրական բաժնի մասնագետ է: Նա պնդում է, որ հայտնաբերված սեպագրի մեջ առկա են որոշակի ուղղագրական սխալներ:
— Սեպագրերի տեքստերը միշտ գրագետ են գրվել՝ բարձր գրագիտություն ունեցող անձանց կողմից, սակայն, ենթադրում եմ, որ սխալները թույլ են տրվել քարին փորագրող վարպետները:
Աքեմենյանների տերությունը հին աշխարհի տերություններից մեկն էր, որը գոյություն է ունեցել մ.թ.ա. IV-VI դարերում: Տերությունը հիմնել է պարսից Կյուրոս Բ Մեծ արքան: Պերսեպոլիսը կառուցվել է Դարեհ Առաջինի կողմից (մ.թ.ա. 518թ.) և հռչակվել տերության մայրաքաղաք:
Պերսեպոլիսի ավերակները գրանցված են համաշխարհային մշակութային ժառանգության ՅՈՒՆԵՍԿՕ կազմակերպությունում և պահպանվում են որպես հին աշխարհի մշակույթը ներկայացնող արժեքներից մեկը:
( Նկարում՝ պարսկական սեպագիր արձանագրություն )
Նյութը՝ ՊԵՐՃ ԴՈԼԻՆՅԱՆԻ
Լուսինե Զաքարյան Lousine Zaqaryan ֆեյսբուկյան էջից
