Արման Թաթևոս Մանուկյանը ծնվել է 1904 թ.Կոստանդնապոլսում: Նախնական կրթությունը ստացել է Մխիթարյանների միաբանությունում: Այնուհետև նրա ընտանիքը գաղթել է Ամերիկա, որտեղ նա նկարչության դասընթացների է մասնակցել, այնուհետև գրաֆիկ դիզայնով` գրքերի ձևավորմամբ է զբաղվել: Նրա հետաքրքրության հիմնական առարկան ծովն էր ու ծովի մարդիկ:

1927 թ> զինվորական ծառայությունն ավարտելուց հետո Մանուկյանը որոշում է մնալ և ստեղծագործել Հավայան կղզիներում: Եվ ծովի թեման նա այս անգամ զարգացնում է որմնանկարի ժանրում: 1929 թ. երիտասարդ նկարիչը հանդես է գալիս առաջին անհատական ցուցահանդեսով : Իսկ 1931 թ խոր դեպրեսիայի մեջ հայտնվելով` միայնության մեջ ինքնսպան է լինում:

Երիտասարդ նկարչի արվեստն անմիջական աղերսներ ունի մեծ պոստիմպրեսիոնիստ Գոգենի ստեղծագործության հետ: Սակայն հաշվի առնելով այն տարիներին ալբոմների և կատալոգների գոյության և տարածման անհնարինությունը, ինչպես նաև նկարիչների հեռակա երկրներում ցուցադրվելու հնարավորությունը, մնում է ենթադրել, որ նկարիչը պարզապես Գոգենի նման է տեսել և զգացել աշխարհը` իհարկե թողնելով մանուկյանական հետագիծ արվեստի աշխարհում: Այսօր նրա գործերով հետաքրքրվողների թիվը օր օրի մեծանում է, այդ մասին է խոսում աճուրդատներում նրա ստեղծագործությունների հաճախակի հայտնվելու փաստը: